ՀՀ-ում Ֆրանսիայի դեսպանատան հետ համագործակցության շրջանակներում «Տեղական ժողովրդավարության գրասենյակ» հիմնադրամը 2015թ․ նոյեմբերի 13-ին պատիվ ունեցավ իր գրասենյակում ընդունել Ֆրանսիայի դեսպան պարոն Ժան-Ֆրանսուա Շարպանտիեին, մշակույթի և համագործակցության բաժնի ղեկավար պարոն Ժան-Միշել Կասբարեանին և մշակութային բաժնի կցորդ տիկին Նատալյա Ցագրիսին։
ՏԺԳ Հայաստանի և քաղաքացիական հասարակության ակտիվ ներկայացուցիչների հետ դեսպանի հանդիպումը նախատեսված էր Շիրակի մարզպետի, Գյումրու քաղաքապետի, ինչպես նաև Պետական մանկավարժական ինստիտուտի ուսանողների հետ ծանոթանալու համար։ Դեսպանը հետաքրքրվեց և կցանկանար լսել տեղական իշխանությունների և քաղաքացիների հետ աշխատելու դժվարությունների, համայնքների միավորման վերաբերյալ վարչական բարեփոխումների ծրագրի և սահմանադրական բարեփոխումների առաջիկա հանրաքվեի վերաբերյալ արձագանքները։ Շիրակի մարզի հասարակական կազմակերպությունների միության տնօրեն Մկրտիչ Ճարտարյանը ներկայացրեց, որ հայկական համայնքների շուրջ համախմբումը կասկած է առաջացրել համայնքային ղեկավարների և աշխատակիցների աշխատանքը կորցնելու վերաբերյալ, քաղաքացիները չեն ցանկանում կախված լինել այլ համայնքից կամ մեկ հարցի լուծման համար երկար ճանապարհներ անցնել՝ տեղական վարչական կենտրոն կամ վարչություն հասնելու համար: «Ասպարեզ» ժուռնալիստների ակումբից Լևոն Բարսեղյանը նշեց, որ եթե «ԱՅՈ»-ն հաղթի, ապա քաղաքացիները կզրկվեն տեղական ինքնակառավարման մարմինների ընտրություններին մասնակցելուց, ինչը թերագնահատում է Հայաստանում տեղական ժողովրդավարության սկզբունքները: Հանդիպման ընթացքում դեսպանը խոսեց նաև Ռոն-Ալպ-Հայաստան համագործակցության մասին, որի շրջանակներում տեղական ժողովրդավարության խթանումը առաջնահերթություններից մեկն է: Հանդիպումը ևս մեկ անգամ ապացուցեց Հայաստանում Ֆրանսիայի դեսպանատան և «Տեղական ժողովրդավարության գրասենյակ» հիմնադրամի միջև համագործակցությունը: